註冊 登入



打印

網店大排檔 -小賣家血汗分享。

[隱藏]
之前說過,廣告要立桿見影。第一次呢間廣告公司同我地落左廣告。頭一星期完全無人買野。更嚴重的是連到我地網站既人流都係analytic 入面睇唔到。我打去同佢講有咁既情況。

於是佢話廣告要一段時間先會有效。咁我問點解analytic 睇唔到有人到我個網站。因為我自己測試過哂,analytic 係好準確咁記低哂所有野架。點解連人都唔見?佢地就話可能有d referral 做左coding 唔比你track. 不過點都好,錢比左佢唯有信佢啦。

跟住佢話要幫我爭廣告第一位,一定要加budget. 咁我都聽佢。就咁,再一個星期之後佢話所有既錢已經用哂,叫我再比錢。咁我查下analytic,  一個星期先得個1000人到個我地既網站。45000 做1000 個人。每一點擊未成$45. 我問點解咁貴,佢就話google 比既價錢。又比左份得兩頁紙既報告我話有幾萬人到過我個網云云。總之要再科水。

我最後都無理佢。當人水魚既marketing 公司一街都係。大家如果要做宣傳,揾agent 做唔係唔得,但一定要以立桿見影為基本。例如你計算係每$50 廣告洗費就要有一個訂單。咁比agent 最低個plan, 比個landing page 一定要落track.  例如比左$3000, 你一定要有60單。

下次再寫下點用agent 先合理dd,  同埋agent 依家既手法。



實用相關搜尋: 宣傳 廣告 買野 google

回覆 引用 TOP

留名





回覆 引用 TOP

等下集





回覆 引用 TOP

又返來啦。講番廣告agent.  其實做網店同網站,做網上廣告不外乎幾重。記住,我依家係度講緊既係真相,絕無包裝。

網上廣告,我自己分成google adword,  facebook ad,  其他網站買位呢三種。已當中有好多唔同玩法,令廣告看起來五花百門,好似來自唔同出處。已呢個係google 既意向做法,佢就係唔想你知d 廣告係google advertiser 賣緊既。至於fb 廣告,相對比較簡單。在此不詳解了。

再細分入去,google adword 可以做:
1. 關鍵詞搜尋 : 買一個關鍵字,有人搜尋,你就會出來
2. 陳列式廣告:選好目標客群既興趣或其他偏好,google 會選係某d 地方顯示你的廣告
3. 關聯式陳列廣告:入左某d關鍵字,當一個網站上有你個關鍵字,就會顯示你既廣告。
4. rich media (youtube 片頭) : 性質同2,3 有點似。不過就係show youtube 片。

來到呢度,我諗好多人會覺得好複雜唔想學,只係問究竟點先可以令自己既野賣到呢?呢個時候,agent 就會出現,同你講得更複雜,什至形容賣廣告係專業既工作,你無可能識云云,更加會話google 揾佢合作幫你地賣廣告,大話連篇。

我已經試過好多 agent,  由第一間既五萬蚊,第二間一萬蚊,第三間五千蚊,第四同第五間各三千。我可以講你地講佢地全部做唔到我要求。最後兩間,重係李+x 個仔同九倉開既。

而好彩既係,我地一唔賺緊錢,比小小出來試先知香港既agent 原來都係咁流。最後得出既結論係佢地跟本唔識賣廣告。

下次,我可以拆解下agent 講既野。一句一句,希望更多人係創業路上拐小點彎






回覆 引用 TOP

[隱藏]
Thanks for sharing! I've learnt. Please keep on.






回覆 引用 TOP

digital marketing agent 有好多種。當中有幾多係有用有效得來價錢又ok 既,我到依家都未見過有。 google adword 既老總matt cult 講得最正既一句:"如果一個人可以用三萬蚊廣告推廣,賣得出五十萬貨,佢會自己做merchant 而唔會幫你做agent. "

雖然係咁,我相信agent 依然有佢地既價值。

agent 一般sell 幾樣廣告,而佢地係唔會講清楚點收費。

計劃1
$3000 一個月,有無限點擊,有專家揾最合適你網站既關鍵字,保證排頭位。

事實
聽落好正。但我都試過,話比你聽呢d plan 一定唔work.  佢都係每一點擊要比一次錢錢google,  咁$3000 如果做10000點擊佢真蝕比你。咁就唯有幫你做d 無人search 既關鍵字。例如你賣花邊雨傘,你想做fancy umbrella, lolita umbrella ,佢地就會做fancy beautiful nice lolita umbrella.  咁長,邊有人咁search.  佢用呢個字做broad match,  一個月都有一百幾十人來既。一click 比$2-4, 佢成本唔過六百,收你$3000.

計劃2
横額顯示廣告包製作。$3000 一百萬次展視。推廣品牌必需的。

事實
佢地既banner 都係auto template, 特出唔到個product.  都唔緊要,一百萬次顯示,佢地話顯示一次只係0.3仙。其實又係一樣,google 既顯示廣告叫cpm.  一個cpm 即顯示一百萬次既成本。大部分$1000唔使。都唔緊要,如果agent 同我做好targeting.  一百萬次顯示,都應該有一定既客群開發到。但佢地只為快快燒哂你d 顯示額,是但打廣告,唔使幾日就玩完了。試問咁做廣告,一般小商戶邊個玩得起?

來緊大家想知道些什麼? agent 古惑野大家重有無興趣?






回覆 引用 TOP

超正,追看中,快說。。





回覆 引用 TOP

引用:
原帖由 elibibi 於 2016-4-11 02:44 PM 發表

超正,追看中,快說。。
thanks support. 大家有無咩野特別想知?






回覆 引用 TOP

多謝樓主無私分享,其實要帶人流去到網站,或保持某一額度,是否一定要keep住投放廣告?


實用相關搜尋: 廣告

回覆 引用 TOP

[隱藏]
引用:
原帖由 dericlwh 於 2016-4-12 02:20 PM 發表

多謝樓主無私分享,其實要帶人流去到網站,或保持某一額度,是否一定要keep住投放廣告?



做開廣告都知廣告最好保持經常投放。但係更重要既係你廣告既目的。如果係市場新手,廣告目的應該係推銷為主。說明自己有客人想要既產品即可。呢類廣告出現頻率唔使高,但要準。



實用相關搜尋: 廣告

回覆 引用 TOP

推廣方面,由於本人原本係ebay 賣開野。所有既cost 都以唔貴過ebay 為理想。但原來當你做一個網站既時候,要唔平過ebay 但又要賣番佢個量,原來真係唔容易。我地個結果緊係做到左出來啦。但係其實有好多人係做唔到,所以ebay 到依家重有賣家。

今時今日,有好多shopping cart 選擇,睇落都好平,百幾蚊到幾百蚊一個月都有。你揾佢地做個時重present 到好work. 但做耐左,就知道每個都有先天缺點。建議大家睇多d 先選。開左之後投入既人力同錢都唔小,唔好貪平個小小選左個擴充性能唔好既shopping cart.  到時有d 功能裝唔到就慘了。重有,平唔一定差,貴唔一定好。我上面既經驗已經講到了。一個五萬蚊既網站,連ssl 都過唔到,購物流程又改唔到。相對地用shoxxfy 同volusxxn 呢d 可以自己大改特改,我真係諗唔明點解香港IT 重有得做。



實用相關搜尋: 香港

回覆 引用 TOP

Thanks for sharing.






萬軍之耶和華說、不是倚靠勢力、不是倚靠才能、乃是倚靠我的靈、方能成事。(撒迦利亞書 4:6)

回覆 引用 TOP

正,支持!






回覆 引用 TOP

留名睇正分享


回覆 引用 TOP

[隱藏]
其實點解講到擴充性呢?原因係當你做一個網站時,只有自己幫自己推廣。呢個時候,你要用既工具係要好多。外部既plugin例如online form,  file submission,  social plugin,  marketplace integration,  而內部可以係 picture resizer,  responsive,  ssl,  inventory 等。

係香港,我敢講無一間公司肯做哂呢d 野比你而唔額外加錢。比錢唔緊要,但如果每個plugin 比兩萬,你地又有幾多個兩萬?所以選web platform 時,記得諗定你想點推廣,而個web platform 又係唔係做到你想做既野。

講到做唔做到,有好多人覺得個platform 要你coding 小小先做到就等於做唔到。其實咁係好錯。如果你要tailor made某些頁面,你可以係個頁上面coding 即係你點改都得,你可以揾一個programmer 番來code 個你想做既頁面而唔係一定要比你個間website platform 公司任劏。一個programmer 做一段code 最多三至五千,你揾公司做又要三幾萬。如果用programmer 都覺得貴,大家可以上網揾source code 自己改。慢慢做無野唔得既。不過真係慢好多,時間上既損失都要考慮下。

所以大家揾website platform 個時,一定要揾間可以開放比你code 野既公司。唔係只會後患無窮。唔好比佢地grand 爆既版面吸引就簽佢地。



實用相關搜尋: 香港

回覆 引用 TOP

 提示:支持鍵盤翻頁 ←左 右→
[按此隱藏 Google 建議的相符內容]





重要聲明:本討論區是以即時上載留言的方式運作,香港討論區對所有留言的真實性、完整性及立場等,不負任何法律責任。而一切留言之言論只代表留言者個人意 見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。香港討論區有權刪除任何留言及拒絕任何人士上載留言 (刪除前或不會作事先警告及通知 ), 同時亦有不刪除留言的權利,如有任何爭議,管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright©2003- Discuss.com.hk Limited. All Right Reserved.
版權所有,不得轉載。