註冊 登錄
用戶名 密碼



發新話題發佈投票
打印

黃埔居民被屈260萬幫和黃修渠

黃埔居民被屈260萬幫和黃修渠 E-mail 此主題給朋友

[隱藏]
【本報訊】紅磡黃埔花園一條私家路的污水渠上月爆裂,經居民偵查後發現同屬和黃發展的三組建築海名軒、海濱廣場和九龍海逸君綽酒店的污水渠,都被接駁到該屋苑,小業主多年來懵然不知,付出至少過百萬爆渠維修費。事件被踢爆後,發展商才主動支付今次及賠償過往的維修費用合共近260萬。居民極度不滿,談判小組今開會,若下周無法與管理公司達成協議,下月初將上街抗爭。
記者:張嘉雯 位於黃埔花園德豐街與船景街的地下污水渠早前爆裂,維修費連管理公司酬金高達132萬元,有「醒目」居民覺事有蹺蹊,向管理公司查問下發現附近海名軒、海濱廣場和九龍海逸君綽酒店,三個建築群的污水渠全駁到該屋苑,多年來維修費全由小業主支付,過往兩年至少三次爆渠,合共從屋苑開支總賬中支走逾126萬。




未經同意駁污水渠到黃埔事件揭發後,小業主氣憤難平,一直關注事件的業主林先生說,管理公司得悉居民欲採取行動後「知驚」,主動提出支付整筆維修費並免去經理人酬金,「如果我哋今次唔發現,佢已經攞走咗我哋呢筆錢;佢哋唔係自願畀,係因為揭發咗先無辦法。」
業主代表其後與管理公司總物業經理開會,對方承認三組建築均把污水渠駁到黃埔花園,又指屋苑原來的總體規劃渠務圖無接駁外來渠管,「我哋最不滿佢未經法定程序,未經我哋同意就將條渠駁過嚟,(爆渠)之後又當乜事都冇發生過攞我哋錢,喺屋苑總賬出數。」管理公司未有回應本報查詢。
林先生指,屋苑與另外三個建築群均屬同一管理公司,「佢哋以為呢啲係佢哋公司內部事務,唔使交代,下意識覺得:『駁咪駁囉,條渠我嘅。』唔覺得我哋有持份,唔記得條渠有咩頭暈身㷫,都係我哋付賬,點解佢哋(三組建築物)唔使分擔維修保養費?」
「喺呢種關係下,商舖、大業主全部係同系公司、同一集團,點可能公正咁執行呢張公契呢?」林先生指由於無法成立法團,小業主已成立聯盟,截至周四已有逾半代表支持下月初上街,要求管理公司無條件交出百分百權力,「管理公司唔係公契嘅守護人,唔係顧住所有業主整體利益,我哋要利用呢次咁惡劣嘅例子,要佢交番權力出嚟。」




「唔好等到居民抗爭先傾」該區區議員梁美芬指,管理公司一直用對抗方式處理問題,「搞到關係好惡劣先肯退一步,真係唔好等到居民要抗爭、用真係激烈嘅方式表達,先至嚟傾;居民本身好忙,加百幾蚊管理費,大部份家庭唔覺得係咩,佢哋希望畀咗錢,可以有一個有質素嘅服務。」香港工程師學會前會長黃澤恩表示,三組建築是否要支付污水渠維修費,視乎公契條文,「條渠嘅上游業主係咪要出錢,要法庭先判到,唔同政府渠,可以用納稅人錢。」


點解香港都會有咁既事發生?



實用相關搜尋: Spa 酒店 香港 物業

TOP

黃埔幫李日日賺!


實用相關搜尋: Spa
https://fbcdn-sphotos-g-a.akamaihd.net/hphotos-ak-prn2/1467444_10200755930729853_1109323990_n.jpg

TOP

伸延閱讀
 提示:支持鍵盤翻頁 ←左 右→ 發新話題發佈投票

重要聲明:本討論區是以即時上載留言的方式運作,香港討論區對所有留言的真實性、完整性及立場等,不負任何法律責任。而一切留言之言論只代表留言者個人意 見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。香港討論區有權刪除任何留言及拒絕任何人士上載留言 (刪除前或不會作事先警告及通知 ), 同時亦有不刪除留言的權利,如有任何爭議,管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright©2003- Discuss.com.hk Limited. All Right Reserved.
版權所有,不得轉載。

10.0.1.6